Жиын барысында оқушылар алғашқы әскери дайындықтың негізгі бағыттары бойынша білім алып, тактикалық дайындық, саптық дайындық, атыс дайындығы, РХБҚ, жергілікті жерде бағдарлау және әскери-қолданбалы спорт түрлері бойынша тәжірибелік сабақтардан өтті. Сонымен қатар, түрлі спорттық жарыстар мен әскери сайыстар ұйымдастырылып, оқушылар өздерінің ептіліктері мен шыдамдылықтарын көрсетті.
Оқу-дала жиындарының қорытындысы бойынша белсенділік танытып, үздік нәтиже көрсеткен оқушылар арнайы грамоталармен және бағалы сыйлықтармен марапатталды.
Осындай әскери-патриоттық іс-шаралар жастардың Отанға деген сүйіспеншілігін арттырып, жауапкершілікке, тәртіпке және батылдыққа тәрбиелейді. Барлық қатысушыларға алдағы оқу жылында сәттілік пен биік жетістіктер тілейміз!