Атап айтқанда, тактикалық дайындық бойынша іс-әрекеттерді орындап, РХБҚ (радиациялық, химиялық және биологиялық қорғаныс) ережелерімен танысты. Сонымен қатар, атыс дайындығы бойынша теориялық және практикалық тапсырмалар орындалды.
Сондай-ақ оқушылар жергілікті жерде бағдарлау тәсілдерін үйреніп, компас арқылы және компассыз әскери бағытта бағдар анықтау әдістерін тәжірибе жүзінде көрсетті. Әскери өмірдің тәртібімен танысып, командалық жұмыс пен бір-біріне қолдау көрсетудің маңызын түсінді.
Жиын барысында қатысушылар өздерінің шыдамдылықтарын, ептіліктерін және әскери дағдыларын дамытып, алғашқы әскери дайындық бойынша білімдерін одан әрі жетілдірді. Осындай тәжірибелік сабақтар жастардың патриоттық рухын нығайтып, Отан алдындағы жауапкершілікті сезінуге тәрбиелейді.