Форум барысында төтенше жағдайлар бөлімінің Азаматтық қорғау майоры Торехан Жанибек және Ақсу қаласы полиция бөлімінің бастығының орынбасары, полиция подполковнигі Баймбет Алмас Айтмухамбетович баяндама жасап, құқықтық мәдениетті қалыптастыру, қауіпсіздік талаптарын сақтау және төтенше жағдайлардың алдын алу мәселелеріне тоқталды.
Кездесу аясында бала тәрбиесі, интернет кеңістігіндегі қауіпсіздік, құқықтық сауаттылық және ата-ана мен бала арасындағы өзара түсіністік тақырыптары кеңінен қарастырылды. Қатысушылар пікір алмасып, өздерін толғандырған сұрақтарға жауап алды.
Аталған форум ата-ана мен мектеп арасындағы ынтымақтастықты нығайтып, өскелең ұрпақтың қауіпсіз әрі саналы ортада тәрбиеленуіне бағытталған маңызды шара болды.