Кәсіби бағдар беру жұмыстарын жүйелі түрде жүргізу және білім алушылардың болашақ мамандығына деген қызығушылығын арттыру мақсатында Абай атындағы жалпы орта білім беру мектебінің 9–11 сынып оқушылары Жаяу Мұса атындағы көпсалалы Ақсу жоғары колледжіне «Технологиялық тур: 3D, VR, Smart-жүйелер» атты шеберлік сабағына қатысты.Шара барысында оқушылар заманауи технологиялармен танысып, 3D модельдеу, VR (виртуалды шындық) құралдары және Smart-жүйелердің жұмыс істеу принциптері туралы тәжірибелік түрде мағлұмат алды. Қатысушылар жаңа құрылғыларды қолданып көріп, цифрлық технологиялардың мүмкіндіктерін өз көздерімен көрді.Арнайы мамандар оқушыларға IT саласы мен инженерлік бағыттағы мамандықтар туралы кеңінен ақпарат беріп, болашақта сұранысқа ие кәсіптерге бағыт-бағдар көрсетті.