2026 жылдың 16 сәуір күні Абай атындағы жалпы орта білім беретін мектебінде мектеп инспекторы Куан Рауангулдің қатысуымен оқушыларға арналған алаяқтықтың алдын алу бойынша түсіндірме жұмыстары жүргізілді.
Кездесу барысында инспектор қазіргі таңда кең таралған интернет-алаяқтық түрлері, күмәнді қоңыраулар мен хабарламалар, жалған ұтыс ойындары және банк карталарына қатысты қауіптер туралы жан-жақты ақпарат берді. Оқушыларға жеке деректерді бөгде адамдарға бермеу, белгісіз сілтемелерге өтпеу және күмәнді жағдайларда міндетті түрде ата-аналарына немесе мұғалімдерге хабарлау керектігі түсіндірілді.
Сонымен қатар, құқықтық сауаттылықты арттырудың маңызы атап өтіліп, әрбір азаматтың өз қауіпсіздігіне жауапкершілікпен қарауы қажеттігі айтылды. Кездесу барысында оқушылар өздерін қызықтырған сұрақтарын қойып, нақты жауаптар алды.
Мұндай профилактикалық іс-шаралар оқушылардың қауіпсіздігін қамтамасыз етуге және алаяқтық әрекеттердің алдын алуға бағытталған.
🔹 Қауіпсіздік – әрқайсымыздың ортақ міндетіміз!