Мектеп кітапханасында 12 ақпан күні ақиық ақын, тау тұлғалы талант, дарынды дарабоз, миллион сырлы сезімнің иесі – Мұқағали Мақатаевтың 95-жылдығына арналған «Мұқағали мәңгілік жырлайды» атты мәнерлеп оқу сайысы өтті. Іс- шара барысында Мұқағали Мақатаевтың өмірі мен шығармашылығы жайлы бейнебаян көрсетіліп, кітап көрмесі ұсынылды. Әйгілі ақынды еске алуға арналған шарада 3 сынып оқушылары ақынның өлеңдерін мәнерлеп оқып, көрермендерді поэзия жырларымен сусындатты. Әділ-қазылар алқасы өз бағасын берді.
Жыр сүйер қауымды поэзияның тұңғиығына батырған оқушыларымыз жүлделі орындармен және белсенді қатысқандары үшін алғыс хаттармен марапатталды!
Бас жүлде: 3 «Д» сынып Хурмангаз Ерасыл
I орын: 3 «И» сынып Серікбай Айару
I орын: 3 «Г» сынып Назарбайқызы Аяулым
II орын: 3 «В» сынып Қуанышев Алибек
II орын: 3 «Ж» сынып Ербол Әмір
III орын: 3 «Д» сынып Санак Иманғали
III орын: 3 «Е» сынып Аманбол Ибрахим
Бұл шараның мақсаты – мемлекеттік тілдің қолданылу аясын кеңейтіп, қоғамдық санаға орнықтыру, ақиық ақынның жалынды жырлары арқылы жастардың патриоттық әлеуетін дамыту. «Ғасыр ақыны» атанған Мұқағали жырлары жылдан -жылға, ғасырдан- ғасырға жалғаса бермек!
Ақсу қаласы