2026 жылдың 6 қаңтар күні мектебіміздің асханасы білім бөлімінің комиссия мүшелері мен қамқоршылық кеңесінің төрағасының қатысуымен жоспарлы тексеруден өтті. Тексеру барысында асхананың санитарлық-гигиеналық жағдайы, тағам өнімдерінің сақталуы, ас әзірлеу және тағам тарату үдерісі, сондай-ақ ас мәзірінің белгіленген талаптарға сәйкестігі жан-жақты қаралды.
Тексеру нәтижесінде асхана іші таза әрі ұқыпты екені, санитарлық-гигиеналық талаптардың толық сақталғаны анықталды. Ас мәзірі оқушылардың жас ерекшеліктеріне сәйкес құрастырылған, тағам сапасы мен қауіпсіздігі талапқа сай. Тексеру қорытындысы бойынша асхананың жұмысы қанағаттанарлық деп бағаланды, ескерту немесе заңбұзушылықтар анықталған жоқ.