29.01.26 күні мектебімізде 10–11 сынып оқушыларымен маңызды кәсіби бағдар беру кездесуі өтті. Кездесуге Ақсу қаласының ТЖБ АҚТ офицері, капитан Сейтқазы С.Қ. қатысып, Қазақстан Республикасы Төтенше жағдайлар министрлігінің жоғары оқу орындарына түсу тәртібі туралы жан-жақты үгіт-насихаттау және түсіндіру жұмыстарын жүргізді.
Кездесу барысында оқушыларға ТЖМ жүйесіндегі жоғары оқу орындарының ерекшеліктері, оқу барысындағы талаптар, мамандықтар, болашақ қызметтің жауапкершілігі мен артықшылықтары туралы толық ақпарат берілді. Сондай-ақ, әскери және төтенше жағдайлар саласындағы мамандықтардың маңыздылығы айтылып, оқушылардың сұрақтарына нақты жауаптар берілді.
Аталған іс-шара оқушылардың болашақ мамандықтарын саналы түрде таңдауына, ел қауіпсіздігін қамтамасыз ететін жауапты салаға қызығушылықтарын арттыруға бағытталды.
Кездесуді ұйымдастырған: АӘТД пәнінің мұғалімі Агумбаев Д.Н.
Ақсу қаласы