Мектеп кітапханасында «Оқуға құштар мектеп» жобасы мен «Балалар кітапханасы» аясында бүгін 5 сынып оқушыларына «Кітап элементтері» атты кітапханалық сабақ өтті.
Мақсаты: Оқушылардың кітап құрылымы туралы білімдерін қалыптастыру, кітаппен өзіндік жұмыс жүргізудің дағдыларын қалыптастыру, сабақта алған ақпаратты бекіту.
Кітапханашылар сабақты кітап туралы кіріспе әңгімемен бастады. Кітаптың адам өміріндегі маңызына тоқталып, оның білім мен тәрбие көзі екендігін атап өтті. Одан кейін кітаптың негізгі элементтері презентациясы жеке-жеке түсіндірілді. Атап айтқанда: кітаптың мұқабасы, титул беті, авторы, баспасы, мазмұны, алғысөз, негізгі мәтін,фронтиспис,форзац,аннотация, қорытынды бөлім, бет нөмірлері, иллюстрациялар туралы толық мәлімет берілді.
Барлық оқушыларға әртүрлі кітаптар ұсынылып,кітаптың әр бөлігін зерттеу арқылы кітап элементтерін тауып көрсету және салыстыру т.б. тапсырмалар орындап, қойылған сұрақтарға жауап беріп, кері байланыс орнады. Қызықты өткен сабаққа барлық оқушылар қатысып көп мәлімет алды.
