2026 жылдың 22 қаңтарында «Оқуға құштар мектеп» айдарымен және «Қазақ тілі» мен «Қазақ әдебиеті» пәндері әдістемелік бірлестігі онкүндігі аясында Ақсу қаласы Абай атындағы жалпы орта білім беру мектебінің 9-сыныптар оқушылары арасында игі дәстүрге айналған «Озат оқырман» сайысы ұйымдастырылды. Қазақ әдебиетінің аса көрнекті қаламгері Тәкен Әлімқұловтың «Қаршыға» әңгімесі және дарынды қаламгер Жұмекен Нәжімеденовтің «Бір үзім нан» әңгімесі мазмұны желісімен құрастырылған үш кезеңнен тұратын (әрбір кезеңде он бес тест үлгісіндегі сұрақтар) сайысқа бас-аяғы он бір оқушы қатысты. Әр кезеңді орындауға бес минут қана уақыт берілді. Академиялық адалдық сақталды. Нәтижесінде, 9″Д» сынып оқушысы Асалбек Айгерім бірінші орынды жеңіп алды. 9″Б» сыныбында оқитын Балтабай Ұлпан екінші орынды иеленсе, ал Хуантхан Жансая үшінші орынды еншіледі. Жеңімпаз бен жүлдегерлер Мадақтама және сыйлықтармен марапатталды. Жүлдеге ілікпеген оқушыларға да Алғыс хаттар мен сыйлықтар табысталды. Қатысушылар көркем шығарма оқуға деген құштарлықтарын бір деммен танытты. Осынау сайысты ұйымдастырып, өткізген: Ибрагим Бегімхан Керімханұлы.
