Мәлік Ғабдуллиннің туғанына (1915-1973) — 110 жыл
Қазақ халқының біртуар батыр ұлдарының бірі болған ұлағатты ұстаз, қоғам қайраткері және жазушы Мәлік Ғабдуллиннің тарихтағы, әдебиеттегі орны тым ерекше. Мәлік Ғабдуллин — Ұлы Отан соғысында көрсеткен аса жоғары жауынгерлік ерліктері үшін Кеңес Одағының батыры атағына ие болған. Ол қазақ әдебиетінде алғашқылардың бірі болып соғыс жанрындағы шығармалар жазды. Оның «Менің майдандас достарым», «Алтын жұлдыз», «Майдан очерктері», «Сұрапыл жылдар» атты кітаптарында енген әңгіме, очерктері майдан өмірі, жауынгер тұлғасы шебер суреттеліп, оқырман сүйіспеншілігіне бөленген.
Ұлы Отан соғысы жылдары елі үшін жанын қиған ерлер өмірін дәріптеп, батырларға құрметпен қарауға тәрбиелеп, патриоттық сезімге баулу, Мәлік Ғабдуллин туралы түсінік беру, оқушыларды еңбекқорлыққа, елін, туған жерін сүюге, патриоттыққа тәрбиелеу мен шығармаларын насихаттау мақсатында мектеп кітапханасының оқу залында Мәлік Ғабдуллиннің туғанына – 110 жыл толуына орай «Аты аңызға айналған» атты тақырыбында кітап көрмесі ұйымдастырылды. Көрмеде өмірбаяны, қызметі, әдебиетке қосқан үлесі, шығармалары және архив суреттері ұсынылды
Ақсу қаласы