8 наурыз – Халықаралық әйелдер күніне орай мектеп кітапханасында «Әйел –Ана, Әйел –Ару, Әйел –Гүл» атты кең көлемді кітап көрмесі ұйымдастырылды.
Көрменің мақсаты – ананың мейірімі мен даналығын, әйелдің сұлулығы мен парасатын, қыз баланың нәзіктігі мен тәрбиелік мәнін дәріптеу, әйел тұлғасын жан-жақты танытатын көркем шығармаларды, тарихи еңбектерді және тағылымдық журналдарды насихаттау.
Әлемдегі жақсылық көзі, адамдық қасиет, ақ тілек мейірбандықтың бәрі әйел-ана деген сөзбен астасып жатады. Осы ретте жанқиярлық ерлігімен, талайды тәнті еткен өнерімен, ақыл-парасатымен ел есінде мәңгі сақталатын Қазақ әйелдерінің өміріне қатысты кітап беттеріндегі қызықты деректер топтамасы кітап көрмесіне қойылған басылымдар арқылы оқырмандар назарына ұсынылды.
Кітап көрмесінен әйел атты нәзік жандардың тағдыры туралы сыр шертетін қазақ және әлем әдебиетіндегі әйел бейнесін терең ашқан туындылар орын алды.
Нәзік жандылардың тағдыры шығарманың негізгі арқауына айналып, қазақ қаламгерлерінің туындыларының басты кейіпкерлеріне айналды.
Құрметті біздің оқырмандар,
Сіздерді келе жатқан
8 Наурыз – Халықаралық Әйелдер күнімен құттықтаймыз!🎉🎊🌺
Көңілдеріңіз көктемдей болсын, өмірлеріңіз мәнді, сәнді қуанышқа толсын!