11 маусым күні «Күншуақ» жазғы сауықтыру лагерінің «Жазғы Life» тобында «Жасампаздық жолы» – «Қамқор» жобасы аясындағы акция өткізілді.Акция барысында балалар мейірімділік пен достықтың маңызын түсінуге бағытталған қызықты тапсырмалар орындады.🌷 «Мейірімді сөз» бөлімінде балалар шеңберге тұрып, бір-біріне жылы сөздер мен ізгі тілектер айтып, көтеріңкі көңіл күй сыйлады.🤝 «Досқа көмек» кезеңінде қатысушылар бір-біріне қолдау көрсетіп, көмектесудің маңыздылығы туралы ой бөлісті. Балалар достықтың сенім мен қамқорлыққа негізделетінін түсінді.🎁 «Досыңа сыйлық сыйла» тапсырмасында балалар өз қолдарымен әсем білезіктер жасап, оларды достарына сыйға тартты. Бұл сәт балаларға қуаныш сыйлап, өзара сыйластық пен қамқорлықты арттыра түсті.