Мектебімізде ата-аналарға балалардың жазғы кезеңдегі бос уақытын ұйымдастыру мәселелері бойынша кеңес беру жұмыстары жүргізілді.Кездесу барысында ата-аналарға балалардың жазғы демалысын қауіпсіз әрі пайдалы өткізу жолдары түсіндірілді. Атап айтқанда, балаларды спорттық секцияларға, шығармашылық үйірмелерге тарту, кітап оқуға қызығушылығын арттыру, отбасылық демалысты тиімді ұйымдастыру және салауатты өмір салтын қалыптастыру мәселелері қарастырылды.Сондай-ақ балалардың интернет желісін қауіпсіз пайдалануы, әлеуметтік желідегі белсенділігін бақылау, құқық бұзушылықтың алдын алу және қауіпсіздік ережелерін сақтау бойынша ұсыныстар берілді.