Жазғы демалыс кезеңінде 4 маусым күні «Күншуақ» сауықтыру лагерінің «Жас қыран» тобында «Жасыл экономика» бағыты аясында «Қамқор» жобасы бойынша «Тұрмыстық шикізатты зерттеу» тақырыбында танымдық сабақ өткізілді.Сабақ барысында тәрбиеленушілер қоқысты сұрыптаудың маңыздылығымен танысып, қалдықтарды қайта өңдеу және қайта пайдалану жолдарын талқылады. Балалар пластик, қағаз, шыны, ағаш және басқа да тұрмыстық қалдықтарды арнайы санаттарға бөліп жинаудың қоршаған ортаны қорғаудағы рөлін түсінді.Практикалық бөлімде оқушылар ескі қағаздарды тиімді пайдаланып, өз қолдарымен робот бейнесіндегі қаламсалғыш жасап шығарды. Бұл жұмыс балалардың шығармашылық қабілеттерін дамытып қана қоймай, қайта пайдалану мәдениетін қалыптастыруға ықпал етті.Табиғатты аялау – әр азаматтың міндеті. Бүгінгі экологиялық сабақ балалардың қоршаған ортаға деген жауапкершілігін арттырып, экологиялық мәдениетін дамытуға бағытталды.Тәрбиешілер: Байменова Г.Е.Кабиден А.Б.