2026 жылдың 25 мамыры күні Абай атындағы жалпы орта білім беру мектебінде дәстүрлі «Соңғы қоңырау» салтанатты мерекесі жоғары деңгейде аталып өтті.
Мерекелік шараға арнайы қатысқан Ақсу қаласының білім бөлімінің бас маманы
Жумагельдинова Айнагуль Жанабекқызы
түлектерге жүрекжарды лебізін білдіріп, үлкен өмірге қадам басқалы тұрған жас түлектерге ақ жол тіледі.
Мектеп директоры
Кариева Шолпан Даулетбековна
оқу жылының қорытындысын жасап, білім мен тәрбие жолында аянбай еңбек еткен ұстаздарға алғыс айтып, мектеп бітіруші түлектерге сәттілік пен жарқын болашақ тіледі.
Педагогикалық еңбек ардагері
Ждамалбаева Калдыгуль Сагынтаевна
жас ұрпаққа тағылымды сөз арнап, мектеп қабырғасындағы әрбір сәттің қадірін бағалауға шақырды.
Түлектердің алғашқы ұстаздары
Капанова Сауле Молдагалымовна,
Ахметова Меруерт Айтымовна,
Исенова Гульмира Ермековна,
Сартова Бакыт Сукеновна
шәкірттеріне жылы лебіздерін арнап, олардың болашағына сенім білдірді.
Сонымен қатар ата-аналар атынан
Абельдинова Бейнегул Аскеновна
сөз сөйлеп, ұстаздарға шексіз алғысын жеткізіп, түлектерге ақ батасын берді.
Мереке барысында оқушылар ән шырқап, би билеп, мектеппен қоштасу сәттерін әсерлі көріністермен жеткізді. Түлектер өздерінің жүрекжарды алғыстарын ұстаздарына айтып, мектеппен қимай қоштасты.
Салтанатты шараның ең әсерлі сәті — соңғы қоңыраудың соғылуы болды. Бұл қоңырау түлектер үшін балалық шақпен қоштасудың, жаңа өмірге бастар үлкен жолдың символына айналды.
Құрметті түлектер!
Сіздерге ақ жол, жарқын болашақ, биік белестер мен толағай табыстар тілейміз!
Мектеп қабырғасында алған білімдеріңіз бен тәрбиелеріңіз өмір жолында әрдайым серік болсын!
Ақ жол, жас түлек!