Іс-шара барысында учаскелік полиция майоры Құрманғалиева Лаура Жаныбековна Интернет-алаяқтықтың кең таралған түрлері, әлеуметтік желілер мен түрлі қосымшалардағы күмәнді сілтемелерден сақтану, жеке мәліметтерді бөгде адамдарға бермеу, банк карталары мен кодтарды ешкімге айтпау туралы маңызды ақпараттармен бөлісті. Сонымен қатар жазғы демалыс кезіндегі балалардың қауіпсіздігі, көшедегі тәртіп ережелері, кешкі уақытта ата-ананың бақылауында болу, су айдындарындағы және жолдағы қауіпсіздік талаптарын сақтау жөнінде түсіндірме жұмыстарын жүргізді.
Сонымен қатар жалпы тәжірибе дәрігері Кайса Айгерим оқушыларға жаз мезгілінде денсаулықты күту жолдары туралы кеңес берді. Атап айтқанда, жеміс-жидектер мен көкөністерді міндетті түрде таза сумен жуып пайдалану, жеке бас гигиенасын сақтау, дұрыс тамақтану, сапасыз тағамдардан сақтану мәселелеріне тоқталды. Дәрігер асқазан-ішек ауруларының алдын алу, тамақтан уланудың болдырмау жолдары, жаз мезгілінде көп су ішу мен күн ыстығында сақтық шараларын сақтау қажеттігін түсіндірді.