05.05.2026 күні Абай атындағы мектепте 7 мамыр – Отан қорғаушылар күні мен 9 мамыр – Жеңіс күніне арналған «Ерлік сабағы» жоғары деңгейде өткізілді. Іс-шараның басты мақсаты – оқушыларға патриоттық тәрбие беру, елін, жерін қорғауға деген құрмет пен жауапкершілікті қалыптастыру, сондай-ақ жоғары әскери оқу орындарына түсу туралы бағыт-бағдар беру болды.Ерлік сабағына арнайы қонақтар шақырылып, өздерінің өмірлік тәжірибелерімен және қызмет жолдарымен бөлісті. Атап айтқанда, Павлодар облысы Ақсу қаласы мен Май ауданының Қорғаныс істері жөніндегі біріктірілген бөлімінің бастығының орынбасары, мобилизациялық бөлімшенің бастығы, майор Ерлан Сарсенбекұлы және ГСВГ (Германиядағы Кеңес әскерлері тобы) ардагері Мұхамедьяров Талгат Кадешұлы қатысты.

Спорттық іс-шаралар, Тәрбие беру жұмысы

Қонақтар оқушыларға Отан алдындағы борыш, әскери қызметтің маңызы, ерлік пен батырлық туралы әсерлі әңгімелер айтып, жастарды ел қорғауға, әскери мамандықты таңдауға шақырды. Сонымен қатар, жоғары әскери оқу орындарына түсу талаптары мен мүмкіндіктері жайлы пайдалы ақпарат берілді.