Мектеп кітапханашылары танымал ғалым, дарынды композитор, өнегелі ұстаз Ахмет Жұбановтың туғанына (1906-1968) 120 жыл толуына орай «Бейбітшіліктің ақ құсын әнге қосқан –Ахмет Жұбанов» атты танымдық сағат 8 сынып оқушыларының қатысуымен өткізді.Танымдық шараның мақсаты – қазақ музыка өнеріне өлшеусіз үлес қосқан көрнекті композитор, дирижер, ғалым Ахмет Жұбановтың өмірі мен шығармашылығын насихаттау,өнер жолын таныстыру болды.Шара барысында Ахмет Жұбановтың өмірбаяны мен өнер жолы туралы мәліметтер айтылып, өмір жолы,естеліктер жайлы бейнебаян көрсетіліп, қазақ музыкасының дамуына қосқан еңбегі туралы кеңінен әңгімеленді, композиторлық еңбектері мен ғылыми зерттеулері туралы кеңінен ақпарат берілді . Сонымен қатар, композитордың «АҚ КӨГЕРШІН» әні орындалды .Іс-шара соңында қатысушыларға сұрақтар қойылып, қызықты танымдық «Ахмет Жұбанов» атты викторинамен өрбіді. Қатысушылар қазақ музыка өнерінің дамуына зор үлес қосқан тұлға туралы тың мәліметтер алып, өз ойларымен бөлісті.