Ұлттық кітап күніне орай“Кітапханада қалай кітап таңдау”(керек кітапты қалай табуға болады? Кітапты қалай табуды үйрету) тақырыбындағы кітапханалық сабақта кітапханашы балаларға кітапханалардың маңыздылығы, кітап қорын пайдалану ережелері туралы айтып, кітапхананың анықтамалық-библиографиялық аппаратының не екенін, оның неден тұратынын және не үшін пайдаланылатынын түсіндірді. Балалар кітапханадағы тәртіп ережелерімен танысты, кітаптарды қалай дұрыс өңдеу керектігін, сөрелерде қандай басылымдар ұсынылғанын және олар қандай принцип бойынша орналастырылғанын білді.Сондай-ақ, 5 сынып оқушылары кітапханадан кітапты қалай таңдау керек деген сұраққа, кітаптың атын немесе автордың атын білу арқылы басылымның нақты орналасқан жерін табуға болатынын т.б. сұрақтарға жауап тапты.Жас оқырмандар алған білімдерін үлкен қызығушылықпен пайдаланып, автор мен тақырып бойынша қажетті кітаптарды өз бетінше табуға тырысты және сабақ соңында кітап жайлы,жазушылар жайлы квест ойынына белсенді қатысып, білімдерін көрсете білді.