12 сәуір – Халықаралық авиация және ғарышкерлер күні қарсаңында, Абай мектебінің мектеп кітапханашылары даңқты ұшқыш-ғарышкер, Қазақстан ғарыш саласының негізін қалаушы – Талғат Мұсабаев туғанына 75 жыл толуына орай «Ғарышқа ізін салған қыран қазақ» атты ақпараттық-танымдық сағат өткізді.
Мақсаты:оқушыларды ғарышкердің өмірі мен еңбегін таныстыру, оның Қазақстан ғылымы мен ғарыш саласына қосқан үлесін насихаттау, аспан денелері туралы түсінік қалыптастыру, аспан кеңістігін зерттеген ғарышкерлерді білуге, олардың ерліктерін ұмытпауға, Отанын сүюге, қорғауға баулу.
Ақпараттық-танымдық сағат аясында ғарыш әлемі, ғалам ғарышкерлері, қазақстанның атақты ғарышкері, халық қаһарманы, батылдықтың, білім мен табандылықтың үлгісі болған Талғат Амангелдіұлы Мұсабаевтың өмірі мен жеткен жетістігі жайлы ақпараттар беріліп, 6,7,8 сынып оқушыларымен пікір алмасып талқыланды. Іс-шара барысында слайд-презентация, бейнефильмдер көрсетілді. Іс-шараға қатысушылар «Космос әлемінде» ойынында сұрақтарға белсенді жауап беріп, жақсы білімдерін көрсетіп ғарыш, ғарышкерлер жайлы және Талғат Мұсабаев жайлы өз білгендерін айтып белсенді қатысты.
Ақсу қаласы