«Айқын нәтиже» жобасы шеңберінде есепке алынған отбасыларға барып, олардың тұрмыс-тіршілігін зерделеу жұмыстары ұйымдастырылды.
Тексеру кезінде отбасылардың материалдық және әлеуметтік жағдайына талдау жасалып, балалардың тәрбиесі мен білім алу үдерісіне ерекше көңіл бөлінді.
Сонымен қатар оқушылардың оқу жетістіктері, сабаққа тұрақты қатысуы, мінез-құлқы және бос уақытын тиімді өткізуі бақылауға алынды.
Ата-аналармен жеке кездесулер өткізіліп, олармен бала тәрбиесіндегі жауапкершілікті күшейту, құқықтық білімдерін арттыру және отбасы ішіндегі қолайлы психологиялық ахуалды сақтау жөнінде түсіндіру жұмыстары жүргізілді.
Жүргізілген іс-шаралардың басты міндеті – балалардың заңды құқықтарын қорғау, олардың сапалы білім алуына қолайлы жағдай жасау және ата-ана мен мектеп арасындағы ынтымақтастықты дамыту болып табылады.
Аталған жоба бойынша жұмыстар алдағы уақытта да тұрақты түрде жалғастырылатын болады.
Ақсу қаласы