2026 жылдың 3 наурызында Абай атындағы жалпы орта білім беру мектебінде “Заң және тәртіп” республикалық идеологиясы және құқықбұзушылықсыз мектеп қалалық жобасы аясында “Спортландия” жарысы жоғары деңгейде ұйымдастырылды.
Аталған шараның басты мақсаты – оқушылардың салауатты өмір салтын ұстануын насихаттау, құқықтық мәдениетін арттыру, ата-ана мен мектеп арасындағы байланысты нығайту және достық қарым-қатынасты дамыту болды.
Жарысқа ауылдық өңірлерден Ақжол орта мектебі, Жамбыл орта мектебі, Қызылжар орта мектептерінің 6-7 сынып оқушылары мен ата-аналары белсене қатысып, өзара бақ сынасты. Қатысушылар ептілік, жылдамдық, ұйымшылдық пен тапқырлықты талап ететін қызықты эстафеталық ойындарда шеберліктерін көрсетті. Әр команда ерекше дайындықпен келіп, жеңіске деген жігерін танытты.
Жарыс қорытындысы бойынша:
🥇 1-орын – Абай атындағы ЖОББМ
🥈 2-орын – Ақжол ОМ
🥉 3-орын – Жамбыл ОМ
🏅 4-орын – Қызылжар орта мектебі
Барлық қатысушыларға белсенділіктері мен ұйымшылдықтары үшін алғыс білдіреміз! Жеңімпаздарды шын жүректен құттықтаймыз! Осындай игі шаралар жас ұрпақты тәрбиелеуде, олардың бойында жауапкершілік пен адалдық қасиеттерін қалыптастыруда маңызды рөл атқарады.
Ұйымдастырушыларға және қолдау көрсеткен әріптестерге ерекше ризашылығымызды білдіреміз!
