Кәсіби бағдар беру жұмыстарын жүйелі түрде жүргізу және білім алушылардың болашақта таңдаған мамандығына деген қызығушылығын қалыптастыру мақсатында Абай атындағы жалпы орта білім беру мектебінің 9–11 сынып оқушылары Жаяу Мұса атындағы көп салалы Ақсу жоғары колледжі ұйымдастырған шеберлік сағатына қатысып қайтты.
Шара барысында оқушылар колледждің материалдық-техникалық базасымен танысып, түрлі мамандықтар бойынша тәжірибелік жұмыстарды тамашалады. Арнайы мамандар өз салалары туралы кеңінен мәлімет беріп, кәсіби бағыт-бағдар көрсетті.
Аталған іс-шара оқушылардың болашақ мамандыққа деген көзқарасын қалыптастырып, еңбек нарығы талаптарына сай саналы таңдау жасауына мүмкіндік берді.