Бүгінгі таңда нашақорлық – қоғамның алдында тұрған ең өзекті мәселелердің бірі. Бұл дерт жастар арасында кең таралуда және оның зардаптары өте ауыр. Осыны ескере отырып, 20 ақпан күні Абай атындағы жалпы орта білім беру мектебінің 10-11 сынып оқушылары арасында нашақорлықтың алдын-алу мақсатында профилактикалық іс-шара өткізілді.
Іс-шара барысында оқушыларға нашақорлықтың адам денсаулығына, психологиясына және болашақ өміріне тигізетін зияндары туралы толық мәлімет берілді. Оқушыларға зиянды заттардың әсерінен туындайтын аурулар мен әлеуметтік мәселелер туралы нақты деректер мен мысалдар келтірілді.
Іс-шараның маңызды бөлігі ретінде “Закладка” атты фильм көрсетілді. Бұл фильм нашақорлықтың жасөспірімдер өміріне қалай әсер ететінін, оның салдарын және одан шығу жолдарын баяндады.
