«Таза Қазақстан» акциясы аясындағы гүл отырғызу бастамасы
«Таза Қазақстан» экологиялық акциясы аясында табиғатты қорғау, қоршаған ортаны көркейту және оқушылардың экологиялық мәдениетін қалыптастыру мақсатында гүл отырғызу жұмыстары ұйымдастырылды.
Аталған игі шара Ақсу қаласының Абай атындағы ЖОББМ , 7 «Е» сынып оқушыларымен бірлесіп өткізілді. Бұл бастама оқушылардың табиғатқа деген сүйіспеншілігін арттырып, қоршаған ортаға жанашырлықпен қарауға тәрбиелейді.
Гүл отырғызу — табиғатты сақтауға бағытталған шағын болса да, маңызы зор игі іс. Осындай шаралар арқылы біз қоршаған ортамызды таза ұстап, болашақ ұрпаққа жасыл да көркем орта қалдыруға өз үлесімізді қосамыз.
Биология пәні мұғалімі:
Кусаин Аяулым Сатпекқызы
Ақсу қаласы