Мектеп кітапханасында кітапханашылардың ұйымдастырумен Балалар кітапханасы» жобалары аясында мектепішілік «ЖАҚСЫ КІТАП – ЖАН АЗЫҒЫ» атты BOOK SLAM жарысы өтті. Бұл – кітап пен оқуды насихаттауға арналған ерекше жарыс, оның негізгі мақсаты – кітапқұмарлықты арттыру Кітапты насихаттаудың бұл түрін балалар мен жасөспірімдер кітабын зерттеумен шұғылданатын филология докторы Стефани Джентгенс ойлап тапқан.
Қатысу шарттары қарапайым: бір кітапқа (көркем шығармаға) арналған бейне жасап, керемет жарнама жасау.
«ЖАҚСЫ КІТАП – ЖАН АЗЫҒЫ» тақырыбы аясында іс – шараға 7-8 сынып оқуға құштар оқушылары қатысты. Байқауда әр оқырман өзінің оқыған кітабын қысқаша мазмұнымен таныстырып, кітапты түрлі жолдармен жарнамалап ұсынды және түйген ойларын ортаға салды. Әділқазылар шығарма бойынша сұрақтар қойып, оқушылар өздерінің жауаптарын берді. BOOK Slam жарысы оқушылардың рухын көтеріп, кітап оқуға деген қызығушылығын арттырды. Оқыған кітаптарына жарнамалай отырып, бір – біріне оқуға кеңес берді. Байқау соңында кітапты ең жақсы жарнама жасаған 8 А» сынып оқушысы Сайдуллаева Жасмина «Бас жүлде», 8 «Ғ» сынып оқушысы Аманболқызы Дильназ І орын, 7 «Д» сынып оқушысы Қанашев Даулетбек ІІ орын, 7 «Ғ» сынып оқушысы Мухамматов Мақсат ІІІ орын мадақтамаларымен марапатталды.
