26 қаңтар күні Абай атындағы жалпы орта білім беру мектебінде 4–5 сынып оқушыларына арналған қоғамдық орындарда, әсіресе автобуста өзін-өзі ұстау әдебі туралы ТЖДО Рахимова А.А түсіндірме жұмыстарын жүргізді.Қоғамдық орындар — бұл адамдар көп жиналатын орта. Автобус, аялдама, дүкен сияқты жерлерде өзін дұрыс ұстау әр оқушының міндеті. Әдептілік — тәрбиенің айнасы.
Автобуста өзін-өзі ұстау ережелері:
Автобусқа кезекпен міну
Үлкендерді, қарттарды, мүмкіндігі шектеулі адамдарды алдымен өткізу керек.
Айғайламау, қатты сөйлемеу
Автобуста айқайлау, күлу, жүгіріп жүру басқа жолаушыларға кедергі келтіреді.
Орын беру
Қарт адамдарға, жүкті әйелдерге, кішкентай баласы бар жандарға орын беру — үлкен сыйластық.
Тазалық сақтау
Қоқыс тастамау, автобустың ішін бүлдірмеу — әрбір оқушының мәдениеттілігін көрсетеді.
Жүргізушіге кедергі келтірмеу
Жүргізушінің жұмысын бөлу — қауіпті. Сондықтан алдыңғы жақта ойнауға, сөйлесуге болмайды.
Әдепті сөйлеу
Дөрекі сөздер қолданбай, сыпайы сөйлесу керек.
Неліктен бұл маңызды?
Өзін-өзі дұрыс ұстай білетін бала — тәрбиелі, мәдениетті, жауапты азамат болып өседі. Қоғамдық тәртіпті сақтау — баршаға ортақ міндет.
