Қазақстан Республикасы Тәуелсіздік күнін тойлау қарсаңында қалалық орталық кітапханасының қазақ тілі бөлімінде «Елімнің бақытын тербеткен — Тәуелсіздік» атты патриоттық тақырыптық сағаты Абай ат.ЖОББ мектебінің 5,10 сынып оқушыларының қатысуымен бірлесіп өткізілді. Аталмыш шарада тәуелсіз Қазақстанның қалыптасу тарихы жөнінде айтылды және Қазақстанның тәуелсіздік жылдарында қол жеткізген жетістіктері мен даму жолдары, саяси бағытының дәйектілігі аталып өтті. Шара барысында оқырмандар назарына «Желтоқсан желі» документалды бейнебаян көрсетіліп, «Ар намысым, қасіретім, қуанышым Желтоқсан» атты кітап көрмесімен таныстырылды. Тәуелсіздік жолында құрбан болған батырларды еске алу үшін бір минут үнсіздік жарияланды.
Абай мектебінің 5 сынып оқушылары ұлы ақындардың жырларымен біздің өткеніміздің, бүгініміздің және ертеңіміздің айнасын жеткізді.
Патриоттық танымдық сағат қазақ халқының тәуелсіздігі, тарихы мен мәдениеті туралы қызықты әрі танымды викторинамен аяқталды.
