Мектепішілік олимпиада өткізу туралы
2025 жылғы 24 қазан күні мектепішілік жоспарға сәйкес 5-11 сынып оқушылары арасында жалпы білім беретін пәндер бойынша (қазақ тілі мен әдебиеті; орыс тілі мен әдебиеті; ағылшын тілі; тарих; математика, информатика, физика, химия, биология, жаратылыстану мен география) мектепішілік олимпиада өткізілді.
Олимпиада мақсаты: Оқушылардың шығармашылық қабілеттерін дамыту, теориялық білімі мен тәжірибелік шеберлігін тереңдету , жеке тұлғаның өзін –өзі дамытуына ықпал ету, дарынды балаларды анықтау үшін жағдай жасау, халықаралық олимпиадаларға қатысатын оқушыларды іріктеу және даярлау .
Барлығы олимпиадаға 257 оқушы қатысты. Олимпиада өткізу үшін мектеп мұғалімдері құрамынан кезекшілік ұйымдастырылды. Мектепішілік олимпиадада жоғары ұпайға ие болған оқушылар қалалық олимпиадаға жолдама алатын болады.
Мектепшілік кезеңде өткізілген «Алтын сақа» математикалық олимпиадасы – оқушылардың логикалық ойлау қабілетін, математикалық білім деңгейін анықтауға бағытталған маңызды шара. Олимпиадаға 5-6 сынып деңгейі бойынша оқушылар қатысып, күрделі есептер мен логикалық тапсырмаларды орындады. Бұл шара оқушылардың пәнге қызығушылығын арттырып, дарынды балаларды анықтауға сеп болды. Олимпиада әділ, талапқа сай ұйымдастырылып, жеңімпаздар мен жүлдегерлер алдағы аудандық кезеңге жолдама алды.
